افيدوني برؤياي بما آتاكم الله من علم

بسم الله الرحمن الرحيم

السلام عليكم ورحمة الله وبركاته

انا طالبه في الكليه
عمري 19 سنة وعزباء
ملتزمه بصلواتي الخمس ولله الحمد والقيام باليل ..


احلامي كالآتي:



1_ حلمت يوم الخميس بإني دخلت على أمي في الصاله وكانت تكلمني وهي مبسوطه وتقول
في حرمه عندي تبقى تشوفك اسمها هياء قلت مين هياء؟ قالت هياء وعائلتها بس ماعرفتها
قلت لها ماابي اروح قالت لا هي تبي تشوفك يالله بسرعه روحي سلمي عليها
انا رحت للمرايه وجلست اضبط شكلي وشعري والتفت عاليمين عالمطبخ الا شفتها وكانت امرأه عجوز جالسه تشرب ماء ورحت سلمت عليها وكانت مدري كيف تناظرني وانا في حالة استغراب
رحت لامي في غرفه ثانيه وجلست بخلفها وجت لنا العجوز وفتحت الباب بقوه وتقول لأمي
لازم يطلقها ويآخذها قصدها (ولدها يطلق زوجته ويآخذني)
وامي تقول لا وكانت خايفه علي كثير
وانا ماسكه بامي بقوه وتقول العجوز الا يطلقها ويآخذها وراحت وامي لازالت خايفه .. وبس ..




2_هذا يوم السبت حلمت بأمي جالسه بوسط غرفه وهي حامل ومعها وحده تولدها وطلعونا كلنا من الغرفة انا و2 من اخواني (بس في الحقيقه ماعندي الا اخ واحد وكبير) طلعت ورحت للشارع ومعي ثنتين من صديقاتي وجاء لي خالي مبارك ويناديني هو فرحان ويقول هياء وانا جيته اسلم عليه وانا برضو فرحانه وكان بيدخل على امي وقلنا له لاتدخل وبعدها نادونا وقالوا انه امي جابت توأم اولاد وركضت لها وضميتها من جهة اليمين ومدري مين ضمها من جهة اليسار بس امي قالت بسوي مأذنتين حجم وسط وحده سوتها جنمبها بالضبط والثانية جنمب النافذه ... انتهت



3_حلمت البارح انه صوت احد يقول لي انتي اكلتي لحم ومطالعه فيه لازم تآخذين وضوئهم وخاصة وضوء اللي معك في البيت كلهم وبعدين صرت امشي في طياره مع امي وخالتي بس الطياره ماتمشي وفيه نسوان كثير وعليهم عباياتهم وكان بجانبهم كرسي فاضي كل ماجيت لوحده ابي اجلس عندها تقول محجوز وبعدها صرت مع ابوي في الساحة وقبل لااركب السياره (سياره صغيره مو مثل حقتنا )
قال تعالي ابيك قولي الصدق واسوي لك كل اللي تبينه إنتي للحين تكلمين ذاك الشاب؟؟ انا تفاجئت وجلست ابكي بكل مافيني وبقوه وبحرقه اقوله والله العظيم من تركت ورجعت وتركت ماكلمت وابوي مستغرب وبعد مومصدقني وجلست ..

على فكره ودايم كذا احلم بطياره او نسافر بسيارتنا الجديده
وتتحول الى سيارتنا القديمة ونتجهز وبعدين مايصير شئ ماادري ليه ...


ءاااسفه كثير ازعجتكم باحلامي الكثيره
لكن اتمنى ماتردوني

بسم الله الرحمن الرحيم

هل امك تعانين من هموم
وهل امك حامل الان.

هل انتي علي علاقة مع احد الشباب.

بسم الله الرحمن الرحيم

نعم تعاني من هموم كثيره مثلا عندي اختين كبيرتين واحده عمرها 30 والاخرى 24 ولم تتزوج احداهن وكل مااحد يخطبهن لاتتم للآخر كم انهم متفوقات بدراستهن ولكن للاسف ليس لهن حظ في التوظيف
فهي دائمة الدعاء والبكاء لانه لم يحصلن
على شئ وهي تتمنى لبناتها الكثير ..

كذالك اخي الوحيد تزوج وتغير عليها كثير ودايما تريد ان تنصحه ولكن تخاف ان يبعد عنها اكثر لذالك هي تكتم كثير ..
كما انها هي مصابه بالعين وتخاف على بناتها من العين كذالك
لذالك دائمة التحصين لنفسها ولهم ومداومة على سورة البقره .


ليست حامل ولاتستطيع ذالك في هذا الوقت لانها عملت ازالة رحم لانه يضر بصحتها طبعا..


كنت على علاقة بشاب واهلي اكتشفوا ذالك
والحمدلله من ذاك اليوم وانا لم اعيد تلك التجربه القصيره
وتبت الى الله ووعدت والدي ان لااكررها ماحييت وربي يشهد على ذالك..

بسم الله الرحمن الرحيم

ابشر اختي بالفرج:

رؤيتك تدل علي انكي مازلتي تعانين من اثر النفسي عندما اكتشف والدتك امرك مع الشاب فهذا اثر في نفسيتك فنامل منكي ابعاد هذة الافكار وان تفتحي صفحة جديدة.

وكما تدل رؤيتك علي زواج لكي انشاءلله تعالي ثم من بعدة اخواتك الاخريات وانفراج الهم عن امك من الهم الذي تحملة اتجاة بناتها وهذا يظهر من انجابها بتوائم والتوئم يدل علي الهمين الي تحملة وهنا رمز للبنات.

عليكم بان ترقوا انفسكم بالقرية الشرعية بالماء المقري علية وتحصين انفسكم بالاذكار وان تستعينوا علي قضاء حوائجكم بالكتمان وايضا عليكم بالصدقة من اجل تيسير الزواج لكم.