السلآم عليكم ورحمة الله وبركاتة
بدون مقدمات ببدأ بالموضوع , وانا مثلكم , بالعكس متأكد ان فيكم اللي احسن مني بالدين , واللي أحسن مني بالعلم , انا انسان عادي جداً
وراح اتكلم بالعامية ,
لكن بقول لكم كلآم , وأقروه للآخر ,
تدرون كم مرة دخلت القسم هذا وانا كااااااره الدنيا ؟؟؟
يمكن 20 مره
ادخل اقرأ بس مواضيع ولآ آرد , واضغط ع ايقونة كتابة موضوع جديد , وفجأة كل الكلآم اللي ببالي يختفي , اكتب و امسح
احسس ودي افضفض بس ما اعرف ! صدق ما اعرف افضفض , وأسكر المنتدى وانا مخنوووق و مكتئب , واذا الله رحمني سمعت قرآن ونمت ودموعي ع خدي
وتدرون كم مره تمنيت اني اجاهد علشان ارتاح من الدنياا , وكم كم ,
ما راح اتكلم عن نفسي , ببساطة كنت مثلكم تمااما ,
كنت ضايع بمستنقع الشذوذ , والله هداني !
عرفت كل شي , كنت دايم أقول ليش الشذوذ اختارني ؟!
و ليش انا لآزم اتعب كثييييييييييييييير علشان ادخل الجنة اللي بيدخلها الغيري اللي ما تعب نفس تعبي !
وليش انا مطلوب مني أسوي اشياء كثير , وأصرف نظري عن اشياء بغيتها من كل قلبي ؟! وما أفكر أشخاص حبيتهم محبة " شاذة " لدرجة الهيام ؟!
وكنت عاااااايشش مع هالناسس , بين معصية وبين توبة وبين بكاء , كنت أدور بين هالثلاثة اشياء
انا كل كلامي اللي بقولة , بقولة للأشخاص اللي واثقين بالله , مؤمنين فيه تمااااااما , يؤمنون بأنه ع كل شي قدير , وصدقوني كلامي راح يريحكم كثيير , زي ما يريحني انا , وراح تحسون انكم عرفتم الطريق اللي لآزم تمشون فيه , الطريق الصحيح اللي كنت دايم تدوره
اما اذا كنت عكس كذا ف نصيحه لأ تقرا لأن يمكن م يأثر فيك !
وربي اني احبكم بالله , لأني عارف معاناتكم , لأني نفسسكم بالضبط , وما أبغى شخص فيكم يضيع بهالدنيا ويضيع الجنه , تكفوووووووون اقروا كلامي زين حتى لو كان طويل , انت اللحين مهموم , ما عندك حل الا أنك تقرأ كلامي
بالبداية , يمكن ما يعجبكم كلامي لو قلت لكم أتركوا كلآم اللي يقولون ان الشذوذ مرض وصعب ان الشخص يتعالج منه , ويمكن مستحيل , لأنه خرابيط !!!!!
لأنك انت مخير بين حاجتين بسسس
يا أنك تؤمن بكلامهم - اصحاب العلم - وتقول فعلاً الشذوذ مرض ولا راح اتعالج منه , وتتخبط بمستنقع الشذوذ الوصخ !!
او انك تؤمن بالله !
بس انت مجبور تؤمن بالله تدري ليه ؟!
لأن العلم يقول مستحيل ان القمر ينشق نصفين ويرجع نفس مهما كان ! مهما كان السبب ! لكن الله العليم القادر شق القمر جزأين ورجعه !
والعلم يقول العصا ما تتحول لحية ! والله العليم القادر حولها ورجعها
والله صنع معجزات العلم يقول مستحيل تصير
شفت ان العلم مو صح دايم !؟ الله يسوي اي شي , والعلم قدام الله خراااااااااااااابيط مهما قالوا
لا تقول انا دعيت الله وما استجاب وانا قريت قران وما شفاني
ترا الله عز وجل يقول " وننزل من القرآن ما هو شفاء ورحمة للمؤمنين "
ما قال للمسلمين , لآ ! قال للمؤمنين ! , يعني اذا انت منت مؤمن تمااااااما ان الله يقدر يشفيك وان القران ممكن يغير حالك , ما راح تتشافى !
لما سمعت هالمعلومه من شيخ , تغيرت حياتي , فعلاً انا كنت أدعي لأني حزين , ما كنت أدعي لأني مؤمن ان الله ممكن يستجيب واتشافى !
عرفت اجوبة أسألتي
ليش الشذوذ اختارني ؟!
أسأل نفسك , يعني الله ما كان يقدر يخليك انسان طبيعي ؟! حاشاه
او مثلا بيخليك شاذ علشان تعصيه ويعذبك !؟
الله ابتلاك لأنه يحبك , وانت ما دخلت هالموضوع الأ لأنك ناادم , حتى لو سوييييييييت معاصي للسماء
قال علية الصلاة و السلام " (حديث مرفوع) أَبُو مُعَاوِيَةَ ، عَنْ حَجَّاجٍ ، عَنْ جَبَلَةَ بْنِ سُحَيْمٍ ، عَمَّنْ أَخْبَرَهُ ، عَنْ عَبْدِ اللَّهِ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " إِنَّ الرَّجُلَ لُيَكُونُ لَهُ الدَّرَجَةُ عِنْدَ اللَّهِ عَزَّ وَجَلَّ مَا يَبْلُغُهَا بِعَمَلِهِ حَتَّى يَبْتَلِيَهُ اللَّهُ فِي جَسَدِهِ فَيَبْلُغُهَا بِذَلِكَ الْبَلاءِ "
عرفت اللحين ليش انت لآزم تتعب كثير علشان تدخل الجنة والغيري ما يتعب !؟
انت لك الدرجة عند الله , خير من الدنيا وهموهما وغمومها , كلها راح تروح وما راح يبقى الا الدرجة اللي لك عند الله !
الشذوذ ابتلااااااء , ابتلاااااااء
لا تقول مرض ماله علاج !
ورب الكعبة اني يوم عرفت الطريق الصحيح وعرفت حقيقة الشذوذ , وانه ابتلاء واني لآزم أصبر
والله أني ارتحت و والله ان حيااتي صارت سعيده ! ايه سعيييده ! مع اني شاذ
احيانا امر بموقف صعب , امر بحاجة أبغاها من كل قلبي , لكن اصرف نظري عنها واتركها بس لوجه الله , ويضيق صدري
ويمكن ارجع البيت ابكي واقرا قران واصلي ركعتين وانام
و قسم بالله اني اصحى مستانس !!!!!!
ورب الكعبة ان كثييييييييييير من اموري بدت تتيسر وتنفرج ! فعلاً بديت احس اني انسان سعيد
ما بديت الا مع بداية رمضان , يعني يمكن قبل 15 يوم تقريبا , وبهالـ15 يوم كثيييييييييير اشياء تغيرت
يا ناس والله اني بدييت احس بشهوه تجاه النساء ! وهالشهوه دايم تزيد , انا ما عاد راح اررررررررررررررجع لو وش يصير , الحمدلله اللي هداني
من اليوم قول لنفسك انك انساان طيب , طاهر نقي , حتى لو سويت معاصي , انت م دخلت هنا الأ لأنك نقي !
حنا ارواح نقية , ولآزم نموت وحنا نقيين
خلاص , من اليوم ما عاد نسمع اغاني ! لآ تقول الأغاني تريحني , !
كذذب وربي كذب ! انا كنت اسمع اغاني وابكي عليها ؟! طيب وبعدين ؟! مافي راحه , حياتي سودا وكئيبة
كنت احب الاغاني الحزينة , كنت اقول ما اقدر اتركها !
انتظر الاغاني الحزينة واسمعها واحسها مكتوبه لي !
نصيحة اترك الأغاني , وأسأل نفسك ليه الملتزمين واللي تاركين الاغاني باينه عليهم السعاده !
وحنا اللي نسمع اغاني مو باين علينا الا الهم والغم ! اذا انت عندك عقل راح تعرف وين السعاده ,
اسمعوني تكفون
حياتنا قصيرره , قصيييييره مره , خلونا نكون طاهرين ونقيين , نترك الشذوذ و وصاخته
تبغى تكون نقي بسيطة !
من اللحين
اترك الاغاني , ايه اتركها , اذا حسيت انك حزين اسمع قران , وربي راحه نفسيه , وش فيها لو سمعت قران !؟ جد والله وش فيها ؟
ترى السعاده فيه , اذا بغيت شي شاذ من كل قلبك وتركته لوجه الله , رح بيتكم وافرش سجادتك وصل ركعتين وابك , ايه ابك وطلع كل اللي بقلبك
وادع ان الله يكتب لك الاجر ع البلاء , وادع ان الله يشفيك ويهديك ويثبتك
صح يمكن انك تنام حزين , لكن اذا صحيت قولي وش شعورك ! وقولي كيف حياتك بدت تتغير , كل الاشياء راح تكون سعيده بالنسبه لك , وشوي شوي الين ما تتشافى ان شاء الله
ادع وانت واثق ان الله ع كل شي قدير , ادع و انت موقن بالاجابه , موقن انك يوم بعد يوم راح تخف شهوتك تجاه الرجال وتبدأ تتحول للنساء
في اكثر من بديييل للأغاني وانت حر , بس نصيحتي يوميا اسمع قران , لو قبل م تنام , اسمع لو 5 دقايق
بس هالاسبوع , اترك الاغاني , واسمع قران واستغفر الله كل ما فضيت وسبحه واحمده ع كل حال , صل التراويح , وااذا الامام قال " اللهم لا تدع فينا ......... مريضا الا شفيته و لا مبتلى الا عافيته " قول من كل قلبك امين
اترك عنك الكئابة اطلع مع اصدقائك غير جو , ما عندك ؟ او عندك بس انهم مو صالحين !؟ بسيطه , ادع ان الله يسخر لك الاصدقاء الصالحين
وقّت جوالك ع كل صلاة , واذا اذنوا قوم وروح صل مع الجماعه , اذا قابلت امك سلم ع راسها وابتسم لها وسولف معها واضحك معاها وضحكها
وابوك واهلك كلهم
خلك انسان يذكرونك الناس بالخير , حافظ ع الصلوات , تصدق , ابتسم دايم , ساعد اللي يحتاجونك , الصبح اطلع سو رياضه , الليل اجلس مع اهلك وسولف واضحك او مع اصدقائك
بعد الصلاه اقعد ب المسجد لو 10 دقايق
بعد الفجر او العصر اقرأ جزأين او جزأ من القران , شوف اهلك وش يحتاجون وجيبه لهم
والمهمم القرااااااان , القران ثم القران لا تتركه , اقراه دايم , لآااااااازم تختمه برمضان لو مره ع الاقل , اذا قريته أقراه وانت موقن انك كل ما قريت اكثر , راح تتشافى اكثر ,
اشغل نفسك باشياء صالحه , خلك انسان صالح ونقي !
اذا صادفت بيومك موقف مع شخص ممكن يثير شهوتك , تخيله بأسوأ حالاته مباشره , تخيله متقطع ! تخيله صاير له حادث وتقطع الى اشلاء , تخيل انه صار مشلول او معاق , تخيل وتخيل اشياء خايف اقولها لكم ويمكن تتقرفون مني هههههههههههههههههههههههههههههه , وصدقني تختفي الشهووووه مبااااشره , واذا اختفت لا عاد تفكر ابد فيه , استغفر
اطلع وشوف السعاده بنفسك , صدقوني حنا كنا عايشين بسجن , اذا سويت معصية , اندم عليها وتوض وصل ركعتين وشوف الراحه النفسيه بنفسك
صدقوني حنا حارمين نفسنا من اشياء كثير حلوووووه بهالدنيا , عايشين بالجزء المظلم ,
اتركوا الذنوووب صغيرها وكبيرها , والله راح يسعدك بالدنيا ! وبالاخره !
بس اترك الذنوب , ابدا مو صعبه ,
انا تاركها , وما رااااااح ارجع لو ع جثتي
والله اني قلت لآزم اكتب هالموضوع لأني حاس فيكم وكنت نفسكم , وكنت اتمنى شخص يكتب مثل هالموضوع علشان يسعدني ويريح قلبي
تكفى ثم تكفى قوم وض وصل ركعتين واعلنها توبه من اللحين ,
وتكفى ادع لنفسك ب الهداية و الثبات , وادع لي وادع لكل شخص سجل بهالمنتدى ودخل لهالقسم وهو حزين لحاله , ادع لهم ان الله يهديهم لو كانوا احياء ويرحمهم لو كانوا ميتين
ويهدي كل الشواذ العاصين عموما
تكفون ترا والله الدنياا زايله ,
اذا بيوم ضعفت , ارجع لهالموضوع واقراه , لا تعطي الشيطان فرصه
حافظ ع الصلوات كاااااااااااامله بالمسجد , لا تقول الناس يقولون مطوع !
هذا انا احافظ ع الصلوات واصدقائي تقريبا كلهم نفسي محافظين ع الصلوات وتاركين الاغاني , مع اننا مو ملتحين كلنا ! ومعروفين ان شاء الله بخيرنا !
وعلاقاتنا من الناس كلهم زينة سواء الانسان العادي او الملتزم
بالعكس يمكن نكون اصدقاء لشخص مو ملتزم ومع الوقت الله يهيده ع ايادينا
وربي اننا عايشن حياه حلوه نروح ونجي وقمة السعاده ودايم ننصح بعض , نضحك ع بعض ونستهبل ع بعض و نمقلب بعض !
احتسب الاجر لكل خطوه مشيتها في سبيل العلاج والصبر , وربي راح يعينك
واذا ضعفت او حزنت القرررررررران والصلاه والدعاء هي الحل , بسسس هي
مافي شي غيرهاا
ياخي قول لنفسك بيجي يوم بقرأ كتاب اعمالي بالدنيا , وش الاحسن , اقراه ومكتوب فيه اني مريت بموقف صعب وشاذ وتركته لوجه الله ؟
ولا مريت بموقف صعب وضعفت وسويت المعصيه ؟!
وش الاحسن يكون كتابي مليان باشياء تسعدني باللحظة اللي فعلا اكون محتاج للسعاده فيها , او يكون مليان بذنوب ومعاااااااصي !؟
اي شي تسوية سيء , تأكد ان راح يشوه كتاب اعمالك , واي شي زين , راح يسعدك يوم القيامه
من اللحين توب وابدأ صفحه جديده , كلها اعمال خير , وربي انك راح تحس بالسعاده
واذا ضعفت بعد , تذكر ان في ناس كانوا مثلك !! وقرروا يتوبون ! وتابوا ! وماتوا ! وربي غفر لهم كل ذنوبهم ! وربي اكرمهم واللحين هم يحمدون الله لأنهم ما ضعفوا بالدنيا !
ايه من كلهم قلبهم يقولون الحمدللــــه ان الله هداناا وما ضيعنا الجنه !
قول لنفسك يا خبل ترا الناس تابوا الا انت ! ما تبت ! ربي غفر لهم ! واللحين شفاهم وعايشين مع الناس طبيعين ! لآزم اتوب مع التايبين علشان الله يجمعنا ب الجنه
انا عن نفسي
راح اطلع من هالمنتدى وما اعتقد اني راح ادخله لأن ثقتي بالله كبيييييييييييييييييره , ما عاد راح احتاجه , من اليوم امشي بالطريق الصح وقرريب راح اوصل للنهاية , واتشافى واتزوج واعيش الحياه السعيده واجيب اولادي اللي راح يهتمون فيني اذا صرت كبير بالسن ! وراح اسعد ابوي وامي باحفادهم ,
وانت لآزم تكون نفسي , لأننا حنا نقيين وطيبين , طيبييييين , اقنع نفسك انك انسان طيب ونقي وما تستحق النار , وانك ما تضيع الجنه علشان خرابيط الدنيا
حتى الواتساب ادخل بقروبات دينيه لو ان شاء الله ميه قروب , خل كل شوي تجيك رساله تذكرك بالله , سواء نصيحه او محاضره , وهالشي راح يساعدك
ولا تنسسسسسسسسسسى الاستغفار
انا كل كلامي كان من الناحية الدينية , لأن كل النواحي الثانيه كذب وخرابيط
انا بنفسي جربتها , ويوم جربت الناحية الدينية هي اللي فادت
يالله اللحين قوم وض وصل ركعتين , واذا ما تقدر اللحين , عادي
اهم شي اليووووووووم قبل لآ تنام
وادع ان الله يهديينا اجمعييييين ,
وان الله يثبتنا ,
وان الله يثبتني انا , والله اني حزين ع كل شخص سجل بهالمنتدى ودخل هالقسم او حتى لو ما سجل , اي شخص دخل هالمنتدى متضايق ويطلع متضايق حتى لو كان على معاصي
ادعوا لهم ولنا
أسأل الله ان يملأ حياتنا بالسعاده بالدنيا , ويفرج همومنا , وبالآخره يبلغنا الدرجة التي وعدنا فيها !
من اليوم انت امش بطريقك الخاص ! صير تتابع محاضرات عن الابتلاء , اعرف اداب الدعاء علشان تدعي الله , انا علمتكم بداية الطريق , والبااقي عليكم , واياااااكم انكم ترجعون بعد ما عرفتوا الطريق
وآخر شي رأح اقوله لكم
" الحياه والله سعيده , بس امش بالطريق الصح , لا تمشي بالطريق الغلط وتدور السعاده , لا تعالج الخطأ بالخطأ "
والله ع كل اللي قلته شهيد
ان اموري بدت تتيسر وهمومي تنفرج وبديت احس بشهوه تجاه الجنس الثاني بعد م كنت اتقررررف منهم
خل شعاارك " انا بتوب مع التاايبين " رددها دايم
- اتمنى التثبيت , علشان يكون هالموضوع لكل شخص يدخل متضايق حتى لو بعد 10 سنين -
وانا زي ما قلت انسان بسيط , واذا اخطأت بكلمة من نفسي , واذا اصبت فمن الله
والله يغفرلي اذا اخطأت بكلمة بدون قصد , ف انا ما معي شهادات شريعه علشان اتكلم عن الدين
بس هي مجرد كلمات كانت عون لي , واتمنى تكون عون لكم
يااا رب اجمعنا ب الجنه , ياااااااااااا رب يا رب يا رحمن برحمتك نستغيث , يا ررب عافنا يا رب اعفو عنا
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ .